Qurumun mətbuat xidmətindən verilən məlumata görə fərmanla məcburi köçkünlər üçün yeni yaşayış qəsəbələrinin salınması işini sürətləndirmək və onların müvəqqəti məskunlaşdığı çadır düşərgələrinin tam ləğv edilməsini təmin etmək məqsədilə Fondun  2007-ci il üzrə büdcəsinin qaçqınların və məcburi köçkünlərin sosial-məişət və məskunlaşma  məsələləri ilə əlaqədar bəzi tədbirlərin maliyyələşdirilməsi ilə bağlı xərc maddəsi 124 161,0 min manatdan 154 161,0 min manata qədər artırılmaqla, Bakı-Tiflis-Qars yeni dəmir yolu  layihəsinin maliyyləşdirilməsi ilə bağlı xərc maddəsi 50 000,0 min manatdan 30 000,0 min manata qədər və Oğuz-Qəbələ zonasından Bakı şəhərinə su kəmərinin çəkilməsi layihəsi ilə bağlı  xərc maddəsi isə183 620,0 min manatdan 173 620,0 min manata qədər azaldılıb.

Prezidentin Dövlət Neft Fondunun 2008-ci il büdcəsinin təsdiq edilməsi haqqında fərmanına əsasən, Fondun 2008-ci il büdcəsinin gəlirləri 3 609 361,0 min manat, xərcləri 1 680 853,6 min manat məbləğində təsdiq edilib. Gəlirlərin 3 473 109,6 min manatını Azərbaycan Respublikasının payına düşən karbohidrogenlərin satışından əldə edilən xalis gəlirlər (karbohidrogenlərin nəql edilməsi üzrə məsrəflər, bank, gömrük rəsmiləşdirilməsi, müstəqil nəzarət (sörveyer), marketinq və sığorta xərcləri çıxılmaq şərti ilə, habelə Azərbaycan Respublikası Dövlət Neft Şirkətinin sərmayəçisi, payçısı və ya tərəfdaşı olduğu layihələrdə onun sərmayəsinə və ya iştirak payına düşən gəlirlər istisna olmaqla), 13 423,2 min manatını neft-qaz layihələrinin həyata keçirilməsi ilə əlaqədar Azərbaycan Respublikasının payına düşən dividendlər (BTC layihəsi üzrə), 121 928,2 manatını Dövlət Neft Fondunun vəsaitinin idarə olunmasından əldə edilən gəlirlər, 900,0 min manatını isə digər gəlirlər və daxilolmalar təşkil edəcək.

◄ 1 ... 3 4 5 ... 13 ► ₪

Sənədin sonuncu korrektə tarixi: 26/7/2008 - 12:35:58