İclasda iştirak edirdi:

1. Mətanət Müslümqızı

2. Rühəngiz Hüseynova

3. Çingiz Dadaşov

4. Anar Oruclu

5. Əhməd Əsgər

İclasın sədri: Çingiz Dadaşov

İclasın katibi: Əhməd Əsgər

İclasın gündəliyi:

1. Görülmüş işlər və qərarların icrası.

2. Monitorinq qrupuna daxil olan şikayətlərin müzakirəsi.

3. Cari məsələlər.

Yığıncağın sədri gündəlikdə olan məsələlər barədə yığıncaq iştirakçılarını məlumatlandıraraq yığıncağın gündəliyini səsə qoydu və gündəlik təsdiq olundu.

I. Eşidildi. İclasın sədri Çingiz Dadaşov iclas iştirakçılarının nəzərinə çatdırdı ki, Monitorinq Qrupunun tövsiyyələri Koalisiya Şurası tərəfindən yerinə yetirilmir və Koalisiya Şurasının bəzi üzvləri yaddan çıxardırlar ki, MQ Koalisiyanın ümumilikdə faliyyətinə nəzarət edir və Koalisiyanın Əsasnaməsinin 11.3 və 11.5 bəndlərini rəhbər tutaraq bir daha onların nəzərinə çatdırmaq məqsədə uyğun hesab edilir. Bundan sonra iclasın sədri əlavə etdi ki, Koalisiyanın üzvü Elşad Hüseynov və Məhəmməd Talıblı dəvət olunsalarda bu günki iclasda iştirak etmirlər.

Çıxış etdi: I Monitorinq Qrupunun üzvü Mətanət Müslümqızı, Rühəngiz Hüseynova, Anar Oruclu və Əhməd Əsgər Koalisiyanın üzvü Elşad Hüseynovun Şuraya müraciəti ilə əlaqədar onun iştirakı olmadan baxılması məqsədə uyğun hesab olunmadı və tövsiyyə olundu ki, Koalisiya Şurası bu məsələni öz qərarı ilə həll etsin. Və Koalisiya üzvü Elçin Abdullayev MQ-nun üzvü Mətanət Müslümqızı tərəfindən dəvət olunduğu diqqətə çatdırdı. Bütün çıxış edənlər hesab etdilər ki, Məhəmməd Talıblının hərəkətini pislədilər və qərara alındı ki, bir də belə hal təkrarlanarsa onu Koalisiya sıralarından xaric olma məsələsi gündəliyə gətirilsin.

Çıxış etdi: II Koalisiyanın üzvü Elçin Abdullayev çıxış edərək Məhəmməd Talıblının onu vurması və onu təhqir etməsini pislədi və söylədi ki, özünün bu məsələdə heç bir günahı yoxdur. Səbəb o olmuşdur ki, qanunverici layihəyə irad tutduğuna və sözünü dediyi üçün o təhqir olunmuş və Məhəmməd Talıblı tərəfindən ona qarşı fiziki güc tətbtq olunmuşdur. Bu hərəkətdən sonra Elçin Abdullayev Məhəmməd Talıblını polisə vermiş sonradan Koalisiya Şurasının bir neçə üzvünün xahişinə əsasən öz ərizəsini geri götürmüşdür.

Qərara alındı:

1. Monitorinq Qrupu hesab edir ki, Məhəmməd Talıblının Koalisiyanın imicinə yaraşmayan hərəkətinə görə ciddi xəbərdarlıq edilməsi və bu mübahisənin həlli üçün konsensusa səbəb olacaq müvafiq vasitələrin tapılması Şuraya tövsiyyə olunsun.

2. Monitorinq Qrupu Elşad Hüseynovun Koalisiya Şurasına müraciətinə uyğun olaraq onu iki dəfə MQ-nun iclasına dəvət etsədə o söyləmişdir ki, onun müraciəti Şuraya olduğu üçün onun MQ-na heç bir şikayəti yoxdur. MQ bu məsələnin Şura tərəfindən qiymət verilməsini tövsiyyə edir.

3. Norveç səfirliyindən alınmış maliyyənin ikinci tranşı dayandırılsın, MQ həmin layihəni birinci tranşını auditini keçirdikdən sonra ikinci tranşın verilməsinə qərar verəcəkdir.

◄ 1 2 3 4 5 6 7 8 9 10 ► ☼ A ₪

Sənədin sonuncu korrektə tarixi: 13/8/2008 - 16:13:43