İclasda iştirak edirdi:

• 8 nəfər Şura üzvü

• 2 nəfər Monitorinq Qrupu üzvü

• 2 nəfər Koalisiya üzvü

İclasın sədri: Qubad İbadoğlu

Iclasın katibi: Məmmədova Səbinə

İclasın gündəliyi

1. Görülmüş işlər  və qərarların icrası (İclaslararası dövrdə görülmüş işlərə dair Şura əlaqələndiricisi Qubad İbadoğlunun məlumatı, Norveç səfirliyininin maliyyələşdirdiyi layihənin icrasına dair layihə  əlaqələndiricisi Sevgim Rəhmanovun məlumatı və s. )
2. Soros Fonduna təqdim ediləcək layihə üzrə yekun müzakirə
3. XI Ümümi Yığıncağa hazırlıq məsələləri 
4. Cari məsələlər

Yığıncağın sədri gündəlikdə olan məsələlər barədə yığıncaq iştirakçılarını məlumatlandıraraq yığıncağın gündəliyini səsə qoydu və gündəlik təsdiq olundu.

I.  Eşidildi.  İclasın sədri Qubad İbadoğlu keçiriləcək XI Ümumi Yığıncaq haqqında keçiriləcəyi yeri və saatı haqqında məlumatlar verdi. Qeydiyyatdan keçmiş iştirakçıların sayı açıqlandı. Gündəliklə bağlı müzakirələr aparıldı. Gündəlikdə əsas nəzərdə tutulan 2 məsələ oldu. Əsasnaməyə əlavə dəyişikliklərin olunması və Ekoloqların hazırladığı ətraf mühitin mühafizəsi sahəsində Fəaliyyət Proqramının təqdimatı. Əsasnaməyə dəyişikliklərlə bağlı 3 nəfərdən ibarət Qubad İbadoğlu, Nuriyev Əliməmməd və Oqtay Güləliyevdən ibarət işçi qrupu yaradılıb müzakirələr aparılmışdı. Əliməmməd Nuriyev tərəfindən Ümumi Yığıncağın yarım ildə bir yox ildə 1 dəfə keçirilməsi təklifini vermişdir.

Bundan başqa həftə ərzində Açıq Cəmiyyət İnstitutu Fondunun maliyyələşdirdiyi layihənin Proqram hesabatı verilmişdir.

Nəzərdə tutulan görüşlərdən biridə Şahmar Mövsümovla olacaq görüşdür. 03 iyun gününə təyin olunmuş görüşdə Şura üzvləri, Koalisiya üzvlərindən Telman Zeynalov, Sabit Bağırov və İnqilab Əhmədovun iştirakı nəzərdə tutulub.  

Davam edən Norveç krallığının layihəsi çərçivəsində mayın 27-si Mingəçevir şəhərində mayın 29-u Xaçmaz şəhərində keçirilən tədbirlər haqqında məlumat verildi. Mingəçevir şəhərində keçirilən tədbirdə Qubad İbadoğlu və Əliməmməd Nuriyev neft gəlirləri barədə tədbir iştirakçılarını məlumatlandırdı. Xaçmaz şəhərində isə tədbir iştirakçılarını Əsgər Əhmədin və Fəqan Əliyevin iştirakı ilə keçib. Yekun konfransın keçirilmə tarixi isə 17 iyun gününə dəqiqləşdirilib və konfransla bağlı bütün məsələlər Fəqan Əliyeva həvalə olunub.

Sonrakı məsələ isə Ekoloqların hazırladığı ətraf mühitin mühafizəsi haqqında fəaliyyət proqramının hazırlanıb və şəbəkə vasitəsilə yayıldığı məlumatlandırıldı. Yığıncaqda isə onun təqdimatı Samir İsayevə həvalə olunub.

II.  Gündəliyin 2-ci məsələsi haqqında müxtəlif müzakirələr aparıldı. Son müzakirələrin əsasında büdcə hazırlanıb təqdim olundu.

Eşidildi: Qubad İbadoğlu büdcə istiqamətləri ilə iştirakçıları tanış etdi və istiqamətlər üzrə qonorarların qeyd olunduğunu dedi. İstiqamətlər üzrə bəzi xərclərdə salınıb. Bu xərclərə ekspertlərin regionlara ezamiyyə xərcləri yer tutur. Mətbuat və dəyirmi masaların keçirilməsi və bülletenin nəşri üçün də büdcə ayrılıb. Büdcə ilə tanış olduqdan sonra bir sıra büdcəyə dəyişikliklərlə bağlı təkliflər səsləndi.

Çıxış etdi: Dünya Sakit qeyri neft qaz təbii sektorunda təkliflərin hazırlanmasında 3 ekoloq ekspertdən 2-yə endirilməsi təklifini verdi.

Çıxış etdi: İlham Hüseynli bülletenin həm çap həm də elektron variantda hazırlanması təklifini irəli sürdü.

Təkliflərdən sonra müzakirə olunan məsələ səsə qoyuldu və qərara alındı ki, EİTİ üzrə təfsilatlı dəyərləndirmə istiqaməti üzrə  500$ vəsait ayrılıb neft haqqında qanun layihəsinin hazırlanmasına sərf olunsun.

Yekunda  XI Yığıncağa hazırlıqla bağlı müzakirələr aparıldı və  təkliflər verildi Yığıncaq sədarətinin  seçilməsi tövsiyyə olundu.

Qərara alındı ki, Yığıncaq zamanı sədrin seçilməsi daha məqsədə uyğun sayıldı.

İclasın sədri:  Qubad İbadoğlu

Iclasın katibi:  Məmmədova Səbinə

◄ 1 ... 39 40 41 ... 47 ► ☼ A ₪

Sənədin sonuncu korrektə tarixi: 26/7/2008 - 12:15:31