İclasda iştirak edirdi: 

• 6 nəfər Şura üzvü

1. Qubad İbadoğlu

2. Sevil Həmidova

3. Hüseynli İlham

4. Mirvari Qəhrəmanlı

5. Dünya Sakit

6. Əliməmməd Nuriyev

• 3 nəfər Koalisiya üzvü

İclasın sədri: Qubad İbadoğlu
Iclasın katibi: Məmmədova Səbinə

İclasın gündəliyi

1. Görülmüş işlər  və qərarların icrası
2. Soros Fondunun maliyyələşdirdiyi layihənin proqram hissəsi üzrə təkliflərin qiymətləndirilməsi qaydalarının müəyyənləşdirilməsi
3. Şirkətlərlə münasibətdə Koalisiyanın mövqeyinin müzakirəsi (Neft Fondundan aldığımız cavabların kontekstində)
4. 8-ci hesabata  rəylə bağlı tədbirin formatının və konkret vaxtının müzakirəsi
5. Koalisiya nəşrləri (Jurnal və bülletenin) üzrə işlərin icra vəziyyətinin qiymətləndirilməsi və planlaşdırılması
6. Cari məsələlər

Yığıncağın sədri gündəlikdə olan məsələlər barədə yığıncaq iştirakçılarını məlumatlandırdı.Yığıncağın gündəliyini səsə qoydu və gündəlik təsdiq olundu. 

Eşidildi:  İclasın sədri Qubad İbadoğlu iclaslar arası dövrdə görülmüş işlər barədə məlumat verdi.O qeyd etdi ki, 19 avqust 2008-ci ildə  Neft Fondunda Seçim Qrupunun növbəti iclası keçirilib. Koalisiyanı həmin iclasda Şamil Mövsümov və Çingiz Dadaşov təmsil edib. İclasda Azərbaycanın hasilat sənayesində fəaliyyət göstərən yerli və xarici şirkətlərin Azərbaycan Respublikası hökumətinə ödənişləri və Azərbaycan Respublikası hökumətinin yerli və xarici şirkətlərdən daxilolmaları barədə növbəti - doqquzuncu hesabat mərhələsi üzrə hesabatlarını (2008-ci ilin ilk 6 ayı) tutuşduraraq təhlil edəcək audit şirkətinin seçilməsi məqsədilə müsabiqə keçirilmişdir. Şirkətlərdən Deloitte və Moore Stephens iştirak edirdi. Bərabər sayda Hökuməti, QHT-lər Koalissiyası və Şirkətlər qrupunu təmsil edən 6 nəfərdən ibarət Seçim Qrupu auditin "Mur Stefens" (Moore Stephens) şirkəti tərəfindən keçirilməsinə yekdilliklə qərar vermişdir. Tenderin qalibi olandan sonra 1 ay müddətində şirkətlər öz hesabatlarını göndərəcək auditor şirkətlərinə və hesabatlar tam yığıldıqdan sonra həmin hesabatlara rəy hazırlanacaq. Təqribən 2 aydan sonra 9-cu hesabatla bağlı auditor şirkətinin rəyi hazır olacaq.

Qubad İbadoğlu qeyd etdi ki,  həftə ərzində “Publish What You Pay” Beynəlxalq şəbəkəsindən Koalisiyaya təklif daxil olub. Milli QHT-lərin materiallarının yerləşdirilməsi və birbaşa EİTİ-ın internet səhifəsinə birbaşa çıxışlar olması nəzərdə tutulur. Bununla bağlı Koalisiyaya sorğu vərəqəsi göndərilib suallar cavablandırılıb və EİTİ-ın səhifəsində olan ingilis dilli materiallarda göndərilmişdir.

EİTİ-ın səhifəsi ilə bağlı dəyişikliklər davam edir. Bu barədə Əliməmməd Nuriyevin bir təklifi oldu ki, idarə heyətinin üzvləri və ekspertlər barədə məlumatlar, CV-lər həm də gördükləri işlər barədə məlumatlar yerləşdirilsin. 

İclasın sədri Neft Fonduna göndərilən sorğular barədə də  məlumat verdi. O qeyd etdi ki,  1 ay ərzində Koalisiyadan  Neft Fonduna 4 məktub ünvanlanıb və hər bir məktub da tez bir zamanda  cavablandırılıb. Göndərilən bir sorğu şirkətlərin fərdi hesabatlılığı ilə bağlı idi. Hökumət Komissiyası tərəfindən şirkətlərə ünvanlanan sorğuya şirkətlər tərəfindən verilmiş cavabların yekun nəticələri MSŞA Koalisiyasına təqdim edilmişdir. 25 şirkətdən 12 şirkət fərdi hesabatın açıqlanması ilə razı olmadığını, 5 şirkət razılığını, digərləri isə hələlik dəqiqi cavabını bildirməmişlər.

Dövr ərzində Sabit Bağırovun təşəbbüsü ilə rəylə bağlı görüş keçirilib. Rəyin daha da təkmilləşdirilməsi yolunda müzakirələr aparılıb. Müzakirə olunan məsələlərdən biri də Azərbaycana çatan payın 13% olması barədə olub. Azərbaycan Respublikasının mənfəət neftindəki payını 2003-2007-ci illər 30% olduğunu təsdiq etmək üçün həmin illər ərzində natural ifadədə və Azərbaycana çatan payın həcmi ilə bağlı göstəricilərin bizə göndərilməsi ilə əlaqəli Neft Fonduna məktub ünvanlanmışdır. Cavab məktubunda bildirilmişdir ki, neft hasilatını pay bölgüsü haqqında sazişi imzalayan tərəf kimi Dövlət Neft Şirkətinin çıxış etdiyini nəzərə alaraq, bu yataqların illər üzrə hasilatın pay bölgüsü ilə bağlı natural ifadədə göstəricilərə dair məlumat üçün birbaşa ARDNŞ-ə müraciət etməyimizi bildirdilər. Müzakirələr aparıldıqdan sonra qərara alındı ki, Dövlət Neft Fondundan alınan cavab da əlavə olunaraq  Dövlət Neft Şirkətinə hasilatın pay bölgüsünün 2003-2007-ci illərdə natural ifadədə Azərbaycana çatan mənfəət neftinin miqdarı barədə yazılı informasiya sorğusu  ünvanlansın.

Sonra iclasın sədri ötən iclasın qərarlarının icrası barədə yığıncaq iştirakçılarını məlumatlandırdı. O qeyd etdi ki,  Şuranın 25 iyun 2008-ci il tarixli  qərarı ilə Koalisiyadan  bir nəfər (Qubad  Ibadoğlu ) EİTİ-ın  İdarə Heyətində  əvəzedici heyətə üzv üçün elan edilmiş müsabiqəyə təqdim edilib və bu məqsədlə  namizəd müvafiq sənədləri “Ödədiyini açıqla” Beynəlxalq Koalisiyanın strateji məsləhət qrupuna təqdim edib. Həmin ünvana müsabiqə şərtlərinə uyğun olaraq hazırlanan məqsəd məktubu, Koalisiyanın qərarı və CV göndərilib. Seçimi isə orada “Ödədiyini açıqla” Beynəlxalq Koalisiyanın strateji məsləhət qrupu etməli idi. Lakin, Azərbaycandan digər namizəd olaraq Koalisiya üzvü İnqilab Əhmədov  da namizədliyini irəli sürdüyündən, “Ödədiyini açıqla” Beynəlxalq Koalisiyanın kordinatotu Radhika Sarin tərəfindən əvvəlcə bizə öz aramızdan seçim etmək təklif olunub. Biz buna nail ola bilmədiyimizə görə “Ödədiyini açıqla” Beynəlxalq Koalisiyanın Strateji Məsləhət Qrupu seçim etməkdə çətinlik çəkib və bununla əlaqədar olaraq EİTİ İdarə Heyətinin vətəndaş cəmiyyətindən üzv olan nümayəndələrinə müraciət edib ki, seçimi onlıar etsinlər. Bununla əlaqədar olaraq  EİTİ  İdarə Heyətinin vətəndaş cəmiyyətindən üzv olan nümayəndələrinə Şura tərəfindən  müraciət ünvanlanması qərara alındı.

İİ.  İkinci məsələ üzrə  SOROS Fondunun maliyyələşdirdiyi layihənin proqram hissəsi üzrə təkliflərin qiymətləndirilməsi ətrafında müzakirələr aparıldı. Qubad İbadoğlu qeyd etdi ki, İctimai Birliklərin MSŞA Koalisiyasının  Proqram Layihəsi  (2008-ci il) çərçivəsində tədqiqat istiqamətləri üzrə əlaqələndirici-ekspert seçimi  üçün 4 istiqamət üzrə müsabiqə elan olunmuşdu.Müsabiqənin son müddəti 25 avqust 2008-ci ildə bitib və bu dövrdə 4 istiqamət üzrə 5 təklif daxil olub. Göndərilən təklifləri iclasın sədri  toplantı iştirakçılarına  təqdim etdi.

İlk olaraq, neft şirkətinin fəaliyyəti ilə bağlı istiqamət Zöhrab İsmayılov tərəfindən təqdim olunmuşdu lakin şəbəkə vasitəsilə bu istiqamətə Fidan Nəcəfova münasibət bildirmiş və qeyd edib ki, bu istiqamətdə əsas prioritet fərdi hesabatlılığa keçid  olmasına baxmayaraq həmin istiqamət  Zöhrab İsmayılovun təklifində öz əksini tapmayıb. Təklif oldu ki, SOROS Fondunun bu təkliflə bağlı rəyini və Şura üzvlərinin qeydlərini nəzərə alaraq digər ekspertlərin də  bu istiqamətdə olan təklifləri qiymətləndirdikdən sonra qərar qəbul edilsin və bununla əlaqədar olaraq yeni təkliflər üçün 2 həftə vaxt ayrılsın, növbəti iclasda bu məsələyə yenidən baxılsın. Qubad İbadoğlu digər təkliflər də yığıncaq  iştirakçılarını tanış etdi. O qeyd etdi ki, Azərbaycanda MSŞT-nin qiymətləndirilməsi və hesabatın hazırlanması təklifi ilə Sabit Bağırov müraciət edib, Şura üzvləri həmin təkliflə tanış olduqdan sonra  səsvermə ilə yekdilliklə qərara alındı ki, bu istiqamət üzrə əlaqələndirici ekspert  Sabit Bağırov olsun . Digər təklif  Əliməmməd Nuriyev tərəfindən daxil olmuş və onun təklifi  Neft Fondu haqqında qanun layihəsinin hazırlanması və populyarlaşması istiqamətinə aid  idi. Səs çoxluğu ilə qərara alındı ki, Əliməmməd Nuriyev də bu layihə üçün əlaqələndirici ekspert seçilsin. Fəqan Əliyevin və İlham Hüseynlinin təklifləri eyni istiqamət üzrə olduğundan Şura qərara aldı ki, hər iki təklif eyni istiqamətdə olduğundan iddiaçılar görüşərək, özləri öz aralarından 1 nəfəri  əlaqələndirici eksperti seçsinlər və bununla bağlı növbəti iclasa namizəd irəli sürsünlər.

İİİ. Gündəliyin 3-cü məsələsi üsrə məlumat dinlənildi və qərara alındı ki, Dövlət Neft Fondundan alınan cavab da əlavə olunaraq  Dövlət Neft Şirkətinə hasilatın pay bölgüsünün 2003-2007-ci illərdə natural ifadədə Azərbaycana çatan mənfəət neftinin miqdarı barədə yazılı informasiya sorğusu  ünvanlansın.

İV. Gündəliyin 4-cü məsələsi ilə əlaqədar olaraq qərara alındı ki,  8-ci hesabata  rəylə bağlı tədbir sentyabrın 19-da saat 11-den 13-dek Kaspian Plazanın konfrans zalında keçirilsin. 

V. Koalisiyanın aylıq bülleteni barədə baş redaktor Dünya Sakit məlumat verdi. O qeyd eydi ki, bülleten həm Azərbaycan həm də ingilis dilində hazırlanıb və sayta yerləşdirilib. Jurnalın baş redaktoru Oqtay Gülalıyev iclasda iştirak etmədiyindən jurnalın planlaşması  barədə məlumatın əldə olunması nəvbəti iclasa saxlanıldı.  

◄ 1 ... 43 44 45 ... 50 ► ☼ A ₪

Sənədin sonuncu korrektə tarixi: 5/9/2008 - 14:22:44