Müsabiqəyə Koalisiya üzvləri dəvət olunur. Üzvlər müsabiqədə fərdi qaydada və ya qrup şəklində iştirak edə bilərlər.

Müsabiqəyə aşağıdakı mövzular təqdim olunur:

1. Azərbaycanın Mədən Sənayesində Şəffaflıq Təşəbbüsü: ölkə təcrübəsi və inkişaf yolları
2. Azərbaycanın Mədən Sənayesində Şəffaflıq Təşəbbüsünün investisiya reytinqinin və biznes mühitinin yaxşılaşdırılmasındakı rolunun gücləndirilməsi yolları
3. Azərbaycanın Mədən Sənayesində Şəffaflıq Təşəbbüsü və ictimaiyyətin maarifləndirilməsi yolları
4. Azərbaycanın Mədən Sənayesində Şəffaflıq Təşəbbüsünün regional inteqrasiya prosesində rolunun gücləndirilməsi
5. EİTİ Plyus. Təşəbbüsü necə genişləndirməli?
6. Azərbaycanın Mədən Sənayesində şəffaflıq təşəbbüsü və effektiv idarəetmənin gücləndirilməsi
7. Mədən Sənayesində şirkətlərin ekoloji siyasətlərinin təhlili, onun mövcud qanunvericiliyə uyğunlaşdırılması imkanları
8. Azərbaycanın Mədən Sənayesinin özəlləşdirməsi
9. Azərbaycanın Mədən Sənayesində beynəlxalq uçot sisteminə keçidin sürətləndirilməsi
10. Azərbaycanın Mədən Sənayesində əmək hüquqlarının qorunması.
11. Neft- qaz resurslarının nəqli, tranziti sənayesi sahəsində Azərbaycanın potensial imkanlarının qiymətləndirilməsi və onun inkişaf perspektivləri;
12. Yük göndərən ekspeditor və operator əməliyyat şirkətinin MHŞT prinsiplərinə cəlb olunması üzrə vəziyyətin qiymətləndirilməsi və siyasətin qurulması;
13. Transnəqliyyat proqramlarında cari texniki, texnoloji və ekoloji prosedurların monitorinqinin proqramlarının konsepti;
14. Mədən Sənayesinin Xəzər dənizi hissəsində aparılan ekoloji siyasətin araşdırılması və beynəlxalq standartlara uyğunluğunun qiymətləndirilməsi;
15. Neft gəlirlərinin effektiv xərclənməsinə ictimai nəzarətin təşkili.

Koalisiyanın iddiaçı üzvlərinə yalnız 1 (bir) istiqamət üzrə siyasət yazısını işləmək hüququ verilir.

İddiaçı koalisiya üzvlərindən xahiş olunur musabiqədə iştirak etmək üçün aşağıdakı məlumatları təqdim etsinlər:

• Seçdiyi istiqamət üzrə siyasət yazısının qisa icmalı (1 səhifədən çox olmayaraq)
• İddiaçının (və ya iddiaçıların) nəzəri və praktiki təcrübəsi barədə məlumat (1 səhifədən çox olmayaraq)

Siyasət yazısının işlənilməsi zamanı aşağıdakı şərtlər yerinə yetirilməlidir:

1. Yazilar nəzərdə tutulan müddətdə başlayıb başa çatmalıdır;
2. Yazılar siyasi təhlil sənədinintələblərinə və strukturuna uyğun gəlməlidir;
3. Yazıların həcmi A4 formatda (şriftin ölçüsü 12, interval 1,0 olmaqla) 15 səhifədən az olmamalidır.

İddiaçılar təkliflərini 10 avqust 2007-cı il saat 17 .00-a qədər aşağıdakı ünvanda qeydiyyatdan keçirməlidir:

Bakı, AZ1065, Cəfər Cabbarlı küçəsi 44, Caspian Plaza İİİ , 9-cu mərtəbə, Tel: 4371320

e-mail: office@eiti-az.org  aydinnizamov@gmail.com