Açıq Cəmiyyət İnsititutu-Yardım Fondu tərəfindən maliyyələşdirilən filmdə əsasən ölkənin təbii sərvətlərinin istismarından əldə edilən gəlirlər, onlara ictimai nəzarətin təşkili və məsələrə yer alır. «Neft və Milyardlar Səltənətində» adlandırılan film artıq Gəncə, Tovuz, Mingəçevir televiziyalarında yayımımlanıb, yaxın vaxtlarda isə Sumqayıt, Quba, Zaqatalada nümaiş etdiriləcək. Bu haqda məlumatı Regional Uşaq Fondunun rəhbəri, sözügedən koalisyanın üzvü Rövşən Novruzov verib.

Qeyd edək ki, Mədən Sənayesində Şəffaflıq Təşəbbüsü (EİTİ) 2002-ci ilin sentyabr ayında İohannesburq şəhərində keçirilmiş Davamlı İnkişaf üzrə Dünya Sammintində Böyük Biritaniyanın baş naziri Toni Bleyr tərəfindən irəli sürülmüşdür. Bu təşəbbüsün irəli sürülməsində məqsəd öz təbii ehtiyatlarından son dərəcə asılı ölkələrin gəlirlərin şəffaflığının artırılması olub.

Azərbaycan hökuməti də bu təşəbbüsə dəstək verərək, 2003-cü il iyunun 17-də EİTİ-yə qoşulub. Nazirlər Kabinetinin sərəncamı ilə 2003-cü ilin noyabrın 13-də EİTİ üzrə hökumət komissiyası yaradılıb. 2004-cü ilin noyabrın 24-də Bakıda Mədən Sənayesində Şəffaflıq Təşəbbüsünün Azərbaycanda tətbiqi çəçivəsində hokumət, yerli və xarici neft şirkətlərinin və vətəndaş cəmiyyətlərinin nümayəndələrinin qarşılıqlı Anlaşma Memorandumu imzalanmaqla, Azərbaycan Mədən Sənayesində Şəffaflığın Artırılması Koalisiyası yardılıb.

Təbbi sərvətlərin istismarından əldə olunan və Azərbaycanın payına düşən gəlirlərin tam həcmdə dövlətə çatması, onların etibarlı saxlanılması və səmərəli istifadəsinə ictimai nəzarətin təşkili və həyata keçirilməsi barədə 19 layihə həyata keçirilib. Layihələr Azərbaycan vətəndaşlarının məqbul səviyyədə məlumatlarılması üçün Koalisiya tərəfindən reallaşdırılıb və bu yöndə də bir neçə layihənin icrası nəzərdə tutulub. Yeni yaradılarkən 29 QHT-ni və 3 fərdi şəxsi özündə birləşdirən Koalisiyada hazırda 94 QHT və 13 fərdi şəxs birgə fəaliyyət göstərir.