Presspost.az (05/10/2007)

05 oktyabr 2007-ci il tarixdə Mədən Sənayesində Şəffaflığın Artırılması Koalisiyasının mənzil qərargahında Qırğızıstan vətəndaş cəmiyyətini təmsil edən QHT nümayəndələri ilə görüş keçirildi. Qırğızıstanın Mədən Sənayesində Şəffaflıq Təşəbbüsünü təmsil edən Omurbekova Nuriyə, Yelena çeremenina, Eraliyeva Nurcamal və Eybiyeva Elina Azərbaycanın MHŞT sahəsində təcrübəsinin öyrənilməsinin maraqlı olduğunu vurğulayaraq bu sahədə Azərbaycan QHT-lərinin fəaliyyətinin onlar üçün örnək ola biləcəyini vurğuladılar. Qırğızıstanda MHŞT ilə bağlı təcrübənin az olduğunu qeyd edərək nümayəndə heyəti görüşlərdə əldə olunan məlumatların gələcək fəaliyyətlərində istifadə edəcəklərini söylədilər.

Mədən Sənayesində Şəffaflığın Artırılması Koalisiyasının Şura üzvü Sevgim Rəhmanov qurumun yaranması, fəaliyyəti və normativ sənədləri barədə məlumat verərək həyata keçirilən layihələrlə Azərbaycanın mədən sənayesində şəffaflığa tam nail olunmadığını söylədi. Ancaq, bununla belə həm hökumətlə, həm də yerli və xarici neft şirkətləri ilə müzakirələrin aparıldığını qeyd edən Şura üzvü MHŞT sahəsində mövcud normativ sənədlərin təkmilləşdirilməsi məqsədilə təkliflərlə çıxış edildiyini açıqladı.
Qonaqlara MSŞA Koalisiyasının Kütləvi İnformasiya Vasitələri ilə əlaqələri və bu sahədə həyata keçirilən fəaliyyətlə bağlı qurumun mətbuat xidmətinin rəhbəri Ramil Qasımzadə məlumat verdi.

Tədbirdə iştirak edən Koalisiya üzvləri ilə müzakirələrdə qonaqlar Qırğızıstanda vətəndaş cəmiyyətinin vəziyyəti, mövcud problemlərlə bağlı məlumat verdilər və gələcəkdə qarşılıqlı əməkdaşlığın genişləndirilməsi üçün birgə layihələrin həyata keçirilməsini əhəmiyyətli hesab etdiklərini söylədilər.

Xalq Cəbəsi qəzeti (06/10/2007): Qırğızlar Azərbaycan QHT-lərilə maraqlanırlar
Onlar Mədən Sənayesində Şəffaflığın Artırılması Koalisiyasının işiylə tanış olublar
Pərvin Abbasov

Qırğızıstan vətəndaş cəmiyyəti nümayəndələri oktyabrın 1-5-də Azərbaycanda səfərdə olublar. Dünən İqtisadi Tədqiqatlar Mərkəzinin (İTM) rəhbəri Qubad İbadoğlu bildirdi ki, Açıq Cəmiyyət İnstitutu Yardım Fondunun maliyyə dəstəyi, İTM-in təşkilati dəstəyilə baş tutan səfərin əsas məqsədi Azərbaycanın vətəndaş cəmiyyətinin mədən sənayesi gəlirləri və onların xərclənməsinə nəzarəti prosesində iştirak formalarıyla tanış olmaqdır. Səfər çərçivəsində Hasilat Sənayesində Beynəlxalq Təşəbbüsü (EİTİ) Qırğızıstan üzrə proqram meneceri Nuriya Omurbekova, piar meneceri Yelena Çeremenina, Təşəbbüslə bağlı yaradılmış İsıkkul İşçi Qrupunun koordinatoru Elina Elteyeva və həmin qrupun üzvü Nurcamal Yeraliyevadan ibarət nümayəndə heyəti Milli Büdcə Qrupu və Azərbaycanda Mədən Sənayesində Şəffaflığın Artırılması QHT Koalisiyasının ofisində hər iki qurumun fəaliyyəti, həyata keçirilən layihələrə dair seminarlarda iştirak ediblər. Daha sonra onlar bp və "Statoil" şirkətlərində, ARDNŞ və Dövlət Neft Fondunda olublar.

Azərbaycan QHT-lərinin fəaliyyəti ilə maraqlanan Qırğızıstan nümayəndələri Neftçilərin Hüquqlarını Müdafiə Komitəsinin sədri Mirvar Qəhrəmanlı, "Himayədar" Humanitar Təşkilatının rəhbəri Himayət Rizvanqızı, Sahibkarlığın və Bazar İqtisadiyyatının İnkişafına Yardım Fondunun rəhbəri Sabit Bağırovla görüşüblər.

Dünən günün ikinci yarısında Mədən Sənayesində Şəffaflığın Artırılması Koalisiyasının mətbuat xidmətindən aldığımız məlumata görə, qonaqlarla Mədən Sənayesində Şəffaflığın Artırılması Koalisiyasının mənzil qərargahında görüş keçirilib. Qonaqlar Azərbaycanın MHŞT sahəsində təcrübəsinin öyrənilməsinin maraqlı olduğunu vurğulayaraq bu sahədə Azərbaycan QHT-lərinin fəaliyyətinin onlar üçün örnək ola biləcəyini vurğulayıblar. Qırğızıstanda MHŞT ilə bağlı təcrübənin az olduğunu qeyd edən nümayəndə heyəti görüşlərdə əldə olunan məlumatların gələcək fəaliyyətlərində istifadə edəcəklərini söyləyiblər.

Mədən Sənayesində Şəffaflığın Artırılması Koalisiyasının Şura üzvü Sevgim Rəhmanov qurumun yaranması, fəaliyyəti və normativ sənədləri barədə məlumat verərək həyata keçirilən layihələrlə Azərbaycanın mədən sənayesində şəffaflığa tam nail olunmadığını söyləyib. Həm hökumətlə, həm də yerli və xarici neft şirkətləri ilə müzakirələrin aparıldığını qeyd edən Sevgim Rəhmanov MHŞT sahəsində mövcud normativ sənədlərin təkmilləşdirilməsi məqsədilə təkliflərlə çıxış edildiyini açıqlayıb.
Qonaqlara MSŞA Koalisiyasının KİV-lə əlaqələri və bu sahədə həyata keçirilən fəaliyyətlə bağlı qurumun mətbuat xidmətinin rəhbəri Ramil Qasımzadə məlumat verib.

Tədbirdə iştirak edən koalisiya üzvləri ilə müzakirələrdə qonaqlar Qırğızıstanda vətəndaş cəmiyyətinin vəziyyəti, mövcud problemlərlə bağlı məlumat veriblər və gələcəkdə qarşılıqlı əməkdaşlığın genişləndirilməsi üçün birgə layihələrin həyata keçirilməsini əhəmiyyətli hesab etdiklərini söyləyiblər.

◄ 1 ... 30 31 32 ... 41 ► ☼ A ₪

Sənədin sonuncu korrektə tarixi: 26/7/2008 - 12:12:20