BÖLMƏLƏR
 ANA SƏHİFƏ MHŞT  MSŞA KOALİSİYASI  Üzvlər Seçkili Orqanlar Sənədlər  Memorandum Əsasnamə Şuranın Əsasnaməsi Şuranın Reqlamenti M-Qrupunun Əsasnaməsi S-Qrupunun Əsаsnаməsi Fəaliyyət Proqramları Digər Sənədlər Fəaliyyətimiz Kitabxana Xəbərlər MHŞT HESABATLARI MSŞAK BÜLLETENİ KOALİSİYA MƏTBUATDA LİNKLƏR ƏLAQƏ FORUM |
|
TƏRƏFDAŞLAR |
|
|
|
İNFLYASİYA KALKULYATORU |
|
|
|
BİZİM KOORDİNATLAR |
|
Koalisiya ofisinin Ünvanı: AZ1065; Bakı, C. Cabbarlı küç., 44, Caspian Plaza 3, 9-cu mərtəbə tel/fax: (+99412) 437 13 20 |
|
Neft gəlirləri QHT-lərin diqqət mərkəzində (15/05/2007 - "Xalq Cəbhəsi" qəzeti)
Mədən sənayesində şəffaflıqla bağlı yeni layihələr həyata keçiriləcək
Pərvin Abbasov
Azərbaycan QHT-lərinin Mədən Sənayesində Şəffaflığın Artırılması Koalisiyasının
3 yaşı tamam oldu. Dünən bu münasibətlə Beynəlxalq Mətbuat Mərkəzində (BMM) keçirilən
mətbuat konfransında Koalisiya Şurasının əlaqələndiricisi Q.İbadoğlu bildirdi ki,
qurum 2004-cü il mayın 13-də yaradılıb. Onun sözlərinə görə, Mədən Sənayesində Şəffaflıq
Təşəbbüsü (EİTİ) 2002-ci ilin sentyabr ayında İohannesburq şəhərində keçirilmiş
Davamlı İnkişaf üzrə Dünya Sammitində Böyük Britaniyanın baş naziri Toni Bleyer
tərəfindən irəli sürülüb.
Bu təşəbbüsün irəli sürülməsində məqsəd təbii ehtiyatlardan son dərəcə asılı ölkələrin mədən sənayesində ödəmələr və gəlirlər üzərində şəffaflığın artırılması olub. Azərbaycan hökuməti bu təşəbbüsə dəstək verərək 2003-cü il iyunun 17-də EİTİ-yə qoşulduğunu bəyan edib. 2003-cü il noyabrın 13-də Azərbaycan Nazirlər Kabinetinin sərəncamı ilə EİTİ üzrə hökumət komissiyası yaradılıb. 2004-cü il noyabrın 24-də Bakıda "Mədən Sənayesində Şəffaflıq Təşəbbüsü"nün Azərbaycanda tətbiqi çərçivəsində Azərbaycan hökumətinin, yerli və xarici neft şirkətlərinin və vətəndaş cəmiyyətinin nümayəndələri qarşılıqlı Anlaşma Memorandumu imzalayıblar: "Təbii sərvətlərin istismarından əldə olunan və Azərbaycanın payına düşən gəlirlərin tam həcmdə dövlətə çatması, onların etibarlı saxlanması və səmərəli istifadəsinə ictimai nəzarətin təşkili və həyata keçirilməsi, eyni zamanda əldə olunan gəlirlər barədə Azərbaycan vətəndaşlarının məqbul səviyyədə məlumatlandırılması üçün Koalisiya tərəfindən indiyə qədər 19 layihə həyata keçirilib və cari ildə daha bir neçə layihənin icrası nəzərdə tutulur. Koalisiya yaradılarkən 29 QHT və 3 fərdi şəxsdən ibarət idisə, hazırda 93 QHT və 13 fərdi üzvü özündə birləşdirir".Mədən Sənayesində Şəffaflıq Təşəbbüsü çərçivəsində hökumət komissiyasının indiyə qədər açıqladığı 5 hesabatla bağlı Koalisiyanın rəyi verilib və bir sıra təkliflərin nəzərə alınması tövsiyyə edilib. Q.İbadoğlu MSŞT çərçivəsində 2006-cı ilin ilk ayı üçün açıqlanmış hökumət komissiyasının hesabatı ilə bağlı MSŞA Koalisiyasının rəyini də açıqladı: "Nəticələr göstərir ki, kapital xərclər ciddi nəzarət altında olmalıdır. Bu nəzarət müqavilənin şərtlərinə görə ARDNŞ-nin məsuliyyətindədir. Lakin ARDNŞ müqavilədə sifarişçini, yəni Azərbaycan hökumətini təmsil etməklə yanaşı eyni zamanda icraçı tərəfin (podratçının) üzvüdür. Bu cür ikili status isə maraqlar konflikti törədən amil olaraq qalmaqda davam edir". Bundan başqa, kapital xərclərinin xeyli artması səbəblərini araşdırmaq məqsədilə hökumət, ABƏŞ və Koalisiya nümayəndələrindən ibarət olan komissiyanın yaradılması məqsədəuyğundur. Q.İbadoğlu Koalsiyanın rəyindən sitat gətirərək dedi ki, ARDNŞ-nin hesabatlılıq sistemi və hökumətə ödəmələri ziddiyyətli xarakter daşıyır: "Həmçinin MŞHT üzrə hesabatların nəzərdə tutulan vaxtdan gec təqdim olunması təəssüf doğurur". Koalsiyanın digər narazılığı isə hesabatların təhlili üçün şirkətlərin fəaliyyətini xarakterizə edən zəruri informasiyalara çıxışın problemli olaraq qalmasıdır: "İctimai birliklərin, MSŞA Koalisiyasının informasiya sorğusu məqsədilə bp və ARDNŞ-ə ünvanladığı məktubların cavablandırılmaması narahatlığı daha da artırır". Bütün qeyd olunanların nəticəsi olaraq Koalisiya tövsiyyə edir ki, Anlaşma Memorandumunun tələblərindən irəli gələrək, mövcud hesabat sisteminin təkmilləşdirilməsi məqsədilə tərəflər arasında yeni müzakirələrə start verilməlidir. Koalisiya hesab edir ki, ARDNŞ-in ikili statusu da aradan qaldırılmalıdır. Daha sonra Koalisiyanın digər üzvləri İnqilab Əhmədov, Oqtay Gülalıyev və başqaları çıxış etdilər. "Xalq Cəbhəsi" qəzeti Sənədin sonuncu korrektə tarixi: 26/7/2008 - 12:12:7
|
