1. Bu Qaydalar Mədən Sənayesində Şəffaflığın Artırılması üzrə QHT Koalisiyası (bundan sonra mətndə Koalisiya adlandırılacaq) tərəfindən həyata keçirilən fəaliyyət haqqında ictimaiyyətə çatdırılacaq informasiyanın daha dolğun, şəffaf və obyektiv olması məqsədilə tətbiq edilir;

2. İnformasiynın idarə edilməsi ilə bağlı işlərə Koalisiyanın əlaqələndiricisi və mətbuat xidməti rəhbərlik edir;

3. Mətbuat xidmətinə Koalisyanın fəaliyyəti ilə bağlı Kütləvi İnformasiya Vasitələrində (KİV) çıxış etmək və bəyanat vermək hüququ verilir;

4. Koalisiya çərçivəsində həyata keçirilən layihələr, tədbirlər barədə məlumatlar, informasiyalar və press-relizlər KİV-ə mərkəzləşdirilmiş halda mətbuat xidməti tərəfindən yayımlanır, mətbuatda Koalisiya ilə bağlı dərc olunan məlumatlara ayrı-ayrı Koalisiya üzvləri deyil, mətbuat xidməti tərəfindən münasibət bildirilir, araşdırma, görüş, məlumat təqdim etmə və ya Şura ilə razılaşdırılmış formada açıqlama verilir;

5. Koalisiya tərəfindən həyata keçirilən tədbirlərə KİV nümayəndələrinin dəvəti, press-relizlərin yayımlanması və media nümayəndələrinin iştirakı ilə bağlı iş mətbuat xidməti tərəfindən həyata keçirilir;

6. Layihə icraçıları və ya məsul şəxslər həyata keçirdikləri tədbirlər haqqında məlumatları operativ olaraq, yəni tədbir keçirilən gün, ən geci isə səhəri gün mətbuat xidmətinə təqdim etməlidirlər;

7. Həyata keçirilən layihələr və tədbirlər haqqında KİV-lərdə yayımlanacaq materialların hazırlanması Layihə İcraçıları və ya məsul şəxslər tərəfindən həyata keçirilməli, yayımını isə mətbuat xidməti təşkil etməlidir;

8. Koalisiyanın fəaliyyəti ilə bağlı KİV-lərdə yayımlanmaq üçün material tələb olunduğu halda mətbuat xidmətinin müraciətini Layihə İcraçıları və ya məsul şəxslər dərhal cavablandırmalı və zəruri materialla təmin etməlidirlər;

9. Layihə İcraçıları həyata keçirdikləri fəaliyyət haqqında KİV-lərə verilən müsahibələr barədə mətbuat xidmətini məlumatlandırmalıdırlar;

10. Koalisiyanın fəaliyyətinə, Əsasnaməsinə zidd ola biləcək, eyni zamanda qurumun nüfuzuna xələl gətirəcək informasiyalar yayan, KİV-lərdə bəyanat verən və əsassız fikirlər söyləyən Koalisiya üzvü barəsində mətbuat xidməti tərəfindən araşdırma aparılır və nəticələr Şuranın müzakirəsinə təqdim olunur;

11. Koalisiyanın fəaliyyəti ilə bağlı KİV-lərdə dərc olunan materiallar mətbuat xidməti tərəfindən toplanaraq Koalisiyanın saytında əksini tapmaq üçün təqdim olunur;

12. Bu Qaydalar Koalisiyanın Şurasında müzakirə edildikdən və saytda yerləşdirildikdən sonra qüvvəyə minir.

◄ 1 2 ► ₪

Sənədin sonuncu korrektə tarixi: 26/7/2008 - 12:31:32