Azərbaycan Respublikası vətəndaşlarının beynəlxalq Mədən Sənayesində Şəffaflıq Təşəbbüsünə (MSŞT) dəstək Bəyannaməsi

Biz, Azərbaycan vətəndaşları,

• Ölkənin təbii, ilk növbədə karbohidrogen ehtiyatlarının işlənilməsindən gözlənilən yüksək gəlirləri nəzərə alaraq;

• Azərbaycanın ictimai maliyyə ehtiyatlarından qeyri- effektiv və səmərəsiz istifadə edilməsi ilə bağlı hələ də mövcud olan təhlükəni nəzərdə tutaraq;

• Təbii ehtiyatların işlənilməsindən əldə edilən gəlirlərdən istifadənin bir çox ölkələrdə onlar üçün “ehtiyatların lənəti”nə çevrilmiş kədərli təcrübəsini dərk edərək;

• Ölkədə əsaslı islahatların həyata keçirilməsi və vətəndaşların rifahının yaxşılaşdırılması naminə Azərbaycanın neft gəlirlərinin şəffaf və səmərəli istifadəsinin qarşıdakı iyirmi ildə milli inkişafın başlıca vəzufəsi olduğu qənaətini qəbul edərək;

• Beynəlxalq Mədən Sənayesində Şəffaflıq Təşəbbüsünün (MSŞT) məqsəd və vəzifələrini və təbii ehtiyatların işlənilməsindən əldə edilən gəlirlər üzərində vətəndaş nəzarətinin təşkili üçün şərait yaradılmasında onun faydasını nəzərə alaraq,

beynəlxalq Mədən Sənayesində Şəffaflıq Təşəbbüsünə (MSŞT) dəstəyimizi ifadə edir, hökuməti və təbii ehtiyatların işlənilməsi sahəsində çalışan şirkətləri Təşəbbüsün Azərbaycanda tətbiqini və onun inkişafına hərtərəfli yardımı davam etdirməyə çağırırıq.

MSŞT-yə TƏRƏFDAR OLMAQ ÜÇÜN QEYDİYYAT FORMASI

Sənədin sonuncu korrektə tarixi: 26/7/2008 - 12:31:44