1. Ümumi müddəalar

   1.1. Seçim Qrupu Vahid Layihədə dəstək qazanmış istiqamətlər üzrə təkliflərin qiymətləndirilməsi məqsədilə Şuranın qərarı ilə yaradılır.

   1.2. Seçim Qrupu Şura üzvlərindən ibarətdir.

   1.3. Seçim Qrupu öz fəaliyyətində İctimai Birliklərin Mədən Sənayesində Şəffaflığın Artırılması Koalisiyasıının Ümumi Yığıncağının və Şurasının qərarlarını əsas tutur.

2. Seçim Qrupunun Əsas Fəaliyyət İstiqamətləri

   2.1. Seçim Qrupu öz fəaliyyətində əsas prinsiplər kimi şəffafığı, ədalətliliyi və obyektivi təmin edir.

   2.2. Seçim Qrupunun əsas fəaliyyət istiqamətlərinə aşağıdakılar daxildir:

   2.2.1. Təklifləri daxil olma ardıcıllığına görə qiymətləndirir;

   2.2.2. Təqdim olunmuş təkliflərin Müsabiqə Qaydalarında müəyyənləşdirilmış formata uygunluğunu müəyyənləşdirir;

   2.2.3. Təqdim olunmuş təkliflər üzrə maraq konfliktinin yaranmaması üçün iddiaçılarla Qrup üzvlərinin qohumluq münasibətlərini aydınlaşdırır. Bunun üçün Seçim Qrupunun hər bir üzvü iddiaçılarla onun qohumluq əlaqəsinin olub-olmamasını bəyan edir. (əgər iddiaçı ılə qohumluq əlaqəsi olarsa Seçim Qrupu üzvünün həmin iddia üzrə bütün təkliflərin qiymətləndirilməsi zamanı keçirilən səsvermədə iştirak etmir).

3. Seçim Qrupunun Fəaliyyətinin Təşkili

3.1. Donor təşkilatların nümayəndələri Seçim Qrupuna müşahidəçi statusunda daxil edilə bilər.

3.2. İddiaçı Şura üzvü özünün və onun alternativlərinin təqdim etdiyi layihələrin qiymətləndirilməsi zamanı Seçim Qrupunda səsvermə hüququndan məhrum olur.

3.3. Seçim Qrupunun qərarları sadə səs çoxluğu ilə qəbul edilir.

3.4. Seçim Qrupunun iclaslarına növbəlilik (soyadının baş hərfinin əlifba sirasi) əsasında müəyyənləşdirilən sədr rəhbərlik edir.

3.4.1. Seçim Qrupunun iclasının sədri:

3.4.1.1. Qrupun iclaslarını təşkil edir və ona rəhbərlik edir;

3.4.1.2. Seçim Qrupunda qiymətləndirmə prosedurunun anonimliliyini təmin edir;

3.4.1.3. Qiymətləndirmənin nəticələri ilə Koalisiya üzvlərini məlumatlandırır.

4. Seçim Qrupunun Fəaliyyətinə xitam verilməsi

4.1. Seçim Qrupu Şuranın qərarı ilə ləğv edilir.

Sənədin sonuncu korrektə tarixi: 26/7/2008 - 12:30:52