Bakıda Soros Fondunun Şərq-Şərq Proqramının və Açıq Cəmiyyət İnstutut -Yardım Fondunun birgə maliyyə və İctimai Birliklərin “Mədən sənayesində şəffaflığın artırılması”  (MSŞA)Koalisiyasının  təşkilatı dəstəyi ilə İqtisadi Tədqiqatlar Mərkəzi tərəfindən  “Crescent Beach Hotel”də  keçirilən iki günlük regional görüş   işini başa vurub. Toplantıda  “Ödədiyini Açıqla”, “Gəlirlərə Nəzarət” beynəlxalq təşkilatların nümayəndələri, Monqolustan, Qazaxıstan,  Qırğızıstan, Gürcüstan və Ukraynada fəaliyyət göstərən vətəndaş cəmiyyəti institutların Koalisiyalarının təmsilçiləri olan beynəlxalq və regional səviyyədə ekspertlər iştirak edib.  Yerli ekspertlərin də iştirak etdiyi tədbirdə  Mədən Sənayesində Şəffaflıq Təşəbbüsü (MSŞT) üzrə movcud olan problemləri, onların həlli istiqamətləri və perspektivləri ilə  bağlı müzakirələr aparılıb və ölkələr arasında təcrübə mübadiləsinə geniş yer verilib. Bundan başqa, konfrans iştirakçılarınn təmsil etdikləri ölkələrdə MSŞT-nin  dəyərləndirilməsi prosesinin gedişatı və bu sahədə qarşılaşdıqları çətinliklər  barədə çıxışlar edib. Çixişlardan belə məlum olub hazırda MSŞT-də  dəyərləndimə dövrünü yaşayan Monqulustan, Qazaxıstan və Qırğızıstan üçün  Azərbaycan Koalisiyasının keçdiyi yol  və qazandığı təcrübə əhəmiyyət kəsb etməkdədir. Odur ki, bu barədə MSŞA Koalisiyasının  üzvü Sabit Bağırov və Şura üzvü Azər Mehtiyev , MSŞT-nin Beynəlxalq İdarə Heyətinin üzvü İnqilab Əhmədov Azərbaycanda dəyərləndirmə təcrübəsi barədə  geniş çıxış edərək, regiondan olan ekspertlərin suallarını cavablandırıb.
Konfransda geniş müzakiər aparılan məsələlərdən biri də MSŞT çərçivəsində şirkətlərin fərdi hesabatlığı məsələsi olub. Bu istiqamətdə  region ölkələri arasında arasında yalnız Monqolustanda proqresin olması həmin ölkənin nümayəndələri tərəfindən konfransın diqqətinə  təqdim edilib. Azərbaycandakı vəziyyətə gəlincə, MSŞA Koalisiyasinin Şura Ələqələndiricisi Qubad İbadoğlunun təqdimatından məlum olub ki, Azərbaycan neft-qaz sınayesində fəaliyyət göstərən şirkətlər arasında bu məsələyə münasibətdə hələ də  birmənalı yanaşma mövcud deyildir. Çıxışdan məlum olub ki, BP, Şell, Statoyl, Middle East Petroleum Company və Binagadi oil company istisna olmaqlq bütün şirkətlər birbaşa və ya  dolyaı yolla fərdi hesabatlığa keçidin əleyhinə çıxış edirlər.
Müzakirələr zamanı ARDNŞ-ın fərdi hesabatlığa keçidə digər bütün şirkətlər razılıq verdiyi halda keçecəyi ilə əlaqədar mövqeyi tənqid olunub və bu mövqe Azərbaycanda fərdi hesabatlığa keçidə qarşı olan qeyri-saglam mövqe kimi dəyərləndirilib. Ekspertlər qeyd edib ki, ARDNŞ-nin bu prosesə rəhbərlik etmək istəyinin olmaması digər şirkətlərin fərdi hesabatlığa keçməsini çətinləşdirir. Odur ki, ARDNŞ  fərdi hesabatlığa keçmədiyi halda digər şirkətlərin bu prosesə qoşulmamasına əlavə arqument yaradır.   
Konfransda MSŞT-nin daha da inkişaf etdirilməsi, təsirlərin artırılması, şəffaflıq prinsiplərinin yayılması, region ölkələri ilə kommunikasiya imkanlarının genişləndirilməsi məqsədilə MSŞT İdarə Heyətinə təqdim etmək üçün təkliflər paketi də hazırlanıb. Sənəddə MSŞT-nin genişləndirilməsi, region koalisiyaları arasında koordinasiya, təcrübə mübadiləsi və ölkələr üzrə MSŞT yeniliklərinə dair informasiya paylaşması məqsədilə regional elektron şəbəkənin qurulması, kontraktların şəffaflığının artırılması, fərdi hesabatlığa keçidin təmini, mövcud  hesabat formalarının təkmilləşdirilməsi, yerli səviyyədə MSŞT və tranzit  MSŞT-nin tətbiqi   və bir sıra digər istiqamətləri əhatə edən təkliflər yer alıb.
MSŞT-nin Monqolustanda və Qazaxıstanda yerli hökumətlər səviyyəsində tətbiqi, MSŞT-yə dair məlumatlandırma, vətəndaş cəmiyyəti təşkilatlarının koalisiyalarda birləşməsi və kolaisiyaların idarə olunması,  yeni təşəbbüslərin regional və beynəlxalq səviyyədə əlaqələndirilməsi və sairə kimi məsələlər də müzakirə olunan mövzular sırasında olub.
Azərbaycan təmsilçiləri - MSŞT Koalisiyasının üzvləri konfransda xüsusi fəallıq nümayiş etdiriblər. Qubad İbadoğlu “Ötən konfransdan indiyə qədər olan dövrdə ölkələr üzrə MSŞT yenilikləri”, “Fərdi qaydada MSŞT hesabatlılığı”, “Koalisiya quruculuğu, onun idarəedilməsi”,   İnqilab Əhmədov “MSŞT təbliğatı: ənənəvi iş planından kənara genişlənmə”, Azər Mehdiyev “Dəyərləndirmə prosesi yenilikləri: maneələr və irəliyə yollar”, Sabit Bağırov “Dəyərləndimə indikatorları və onların təhlili”,  Nicat Dağlar isə “MSŞT-yə dair məlumatlandırma: ictimaiyyətlə ələqələrin daha gerçək və aydın qurulması” mövzusunda çıxış edib. 
Azərbaycan təcrübəsi,  koalisiyanın həyata keçirdiyi layihələr, mövcud problemlər və gələcək planlar barədə danişan MSŞT Koalisiyasının təmsilçiləri konfrans iştirakçılarına Azərbaycanda Çoxtərəfli Qrupun yaradılması ilə bağlı aparılmış gərgin müzakirələr və nəticədə bu məsələyə dair tərəflər arasında razılıq əldə olunması haqda da ətraflı bilgilər veriblər.
Konfransda həmçinin növbəti regional konfransın gələn ilin yayında  Qırğızıstanda keçirilməsi barədə qərar qəbul olunub.

◄ 1 2 ... 92 ► ☼ A ₪

Sənədin sonuncu korrektə tarixi: 21/1/2010 - 0:18:42

Sənədin digər dillərdəki variantları: /eng/