Tədbirdə dövlət qurumlarının, beynəlxalq təşkilatlardan, diplomatik korpusların, yerli xarici şirkətlərin nümayəndələri, QHT və KİV təmsilçiləri, müstəqil ekspertlər iştirak edirdi.

MƏTBUAT ÜÇÜN AÇIQLAMA

19 sentyabr 2008-ci ildə  Caspian Plazanın Konfrans zalında İctimai Birliklərin “Mədən Sənayesində Şəffaflığın Artırılması (MSŞA)” Koalisiyası “Əsrin kontraktının 14-cü ili və  neft-qaz sənayesində şəffaflıq təşəbbüsü” mövzusunda Dəyirmi Masa keçirdi. Tədbirdə dövlət qurumlarının, beynəlxalq təşkilatlardan, diplomatik korpusların, yerli xarici şirkətlərin nümayəndələri, QHT və KİV təmsilçiləri, müstəqil ekspertlər iştirak edirdi.

Dəyirmi Masada  İqtisadi və Siyasi Araşdırmalar Mərkəzinin direktoru Sabit Bağırov İctimai Birliklərin MSŞA  Koalisiyası adından qonaqları salamlayaraq 14 il bundan əvvəl Azəri-Çıraq-Günəşli yatağının birgə işlənməsi üzrə xarici şirkətlərlə Azərbaycan hökumətinin imzaladığı neft kontraktının Azərbaycana verdiyi siyasi, iqtisadi və sosial dividendlərdən danışdı.  Sonra İctimai Birliklərin MSŞA Koalisiyasının kordinatoru, İqtisadi Tədqiqatlar Mərkəzinin İdarə Heyətinin sədri Qubad İbadoğlu “Əsrin kontraktından  gözləntilər və bu günün gerçəklikləri: sosial-iqtisadi kontekstdə qiymətləndirmə” mövzusunda təqdimatla çıxış etdi. Q.İbadoğlu təqdimat zamanı neftin Azərbaycan  iqtisadiyyatında oynadığı rolundan danışdı. O qeyd etdi ki, 2007-ci ilin yekunlarına görə neft sektorunun ÜDM-də payı 55,8 faizə, dövlət büdcəsində xüsusi çəkisi 60,3 faizə çatıb. Eyni zamanda həmin ölkə iqtisadiyyatın yatırımların 50,5 faizə, ixracatın 80,6 faizə çatıb. Sonra Q.Ibadoğlu Norveç Krallığının Azərbaycandakı böyük elçisinin maliyyələşdirdiyi layihə çərçivəsində 500 respondent arasında aparılmış sorğu nəticələrinı açıqladı. Koalisiyanın adından vətəndaş cəmiyyətinin narahatçılıqlarını Dəyirmi Masa iştirakçılarının nəzərinə çatdırdı. Bu narahatşılıqlara neft gəlirlərinin yerləşdirilməsi üçün mümkün təhlükələr, şirkətlərin fərdi hesabatlılığa keçməməsinin fəsadları, mənfəətin bölüşdürülməsi sxemində ziddiyyətli məqamların aşkarlanması daxildir. Sonra Neft Araşdırmaları Mərkəzinin rəhbəri,  İctimai Birliklərin MSŞA  Koalisiyasının üzvü İlham Şaban əsrin kontraktının imzalanmasından ötən dövr ərzində əldə edilmiş neft-qaz gəlirlərinin həcmi və onun bölgüsü ilə bağlı araşdırmalarının ilkin nəticələri təqdim etdi. Təqdimatlar bitəndən sonra müzakirələr başladı. İlk olaraq çıxış edən Norveç Krallığının Azərbaycandakı böyük elçiliyi Jon Ramberg diqqəti keçirilmiş sorğunun nəticələrinə cəlb etdi. Səfir qeyd etdi ki, sorğu göstərib ki, hələ də əhalinin bir hissəsi neft gəlirlərinin idarəedilməsi ilə bağlı yetərincə məlumatlara malik deyil. Bu isə İctimai Birliklərin MSŞA Koalisiyasının əhəmiyyətini daha da artırır.

Tədbirdə iştirak edən MSHT –nin Beynəlxalq İdarə Heyətinin üzvü, Jonas Moberg çıxış etdi.  O diqqəti şirkətlərin fərdi hesabatlılığına cəlb edərək qeyd etdi ki,  yaxşı olar ki,  MSŞT prinsiplərinə görə şirkətlər tərəfindən fərdi hesabatların təqdim olunması mütləq şərt deyil. Lakin, buna baxmayaraq yaxşı olardı ki, siz fərdi hesabatlılıq kompaniyasını genişləndirəsiniz.  O bəzi ölkələrdə MSŞT-nin  dövlət idarəçiliyinin xüsusi qaydalarına riayət etdiyini və hətta bu istiqamətdə qanunların mövcudluğunu bildirdi. Bu isə MSŞT-ni daha dinamik prosesə çevirib. Biz hesab edirik  ki, şirkətlərləhökumət arasında , hökumətlə isə vətəndaş cəmiyyəti arasında hesabatlılıq olmalıdır.

Daha sonra isə sərbəst müzakirələr aparıldı.

◄ 1 ... 55 56 57 ... 66 ► ☼ A ₪

Sənədin sonuncu korrektə tarixi: 23/9/2008 - 14:41:14