İctimai Birliklərin “Mədən sənayesində şəffaflığın artırılması” Koalisiyası Şurasının Əlaqələndiricisi, Iqtisadi Tədqiqatlar Mərkəzinin İdarə Heyətinin sədri Qubad Ibadoğlu  10-15 noyabr 2008-ci ildə Almaniyanın paytaxtı Berlin şəhərində  Mədən Sənayesində Şəffaflıq Təşəbbüsünün (MŞHT) tətbiqi: ən yaxşı təcrübələr və alətlər” mövzusunda keçirilən seminarda iştirak edib.

Seminarın  işinə dünyanın 10-dək ölkəsindən  35-dən çox nümayəndə qatılıb. Hər bir ölkə seminarda şəffaflıq təşəbbüsünün iştirakçıları olan hökümət, şirkət və vətəndaş cəmiyyəti nümayəndələri vasitəsilə təmsil olunub və bu da müxtəlif tərəflərin bir araya gəlməsinə, çoxtərəfli müzakirələrin təşkilinə şərait yaradıb.  Seminarda Azərbaycan nümayəndə heyəti ilə yanaşı İraq, Qazaxıstan, Qırğızıstan, Monqolustan, Norveç, Sierra Leon, Timor Leste, Yemen, Zambiyadan təmsilçilər iştirak edib. Bununla yanaşı seminarın işinə Dünya Bankının, MŞHT üzrə Beynəlxalq  Katibliyin, Gəlirlərə Nəzarət İnstitutunun, “Ödədiyini açıqla” Beynəlxalq Koalisiyasının, Beynəlxalq Şəffaflıq Təşkilatının, Almaniyanın GTZ və İnvent təşkilatlarının nümayəndələri də spiker və ya iştirakçı statusunda  qatılıblar.

 Seminar MŞHT üzrə Beynəlxalq İdarə Heyəti və Katibliyi, Almaniyanın İqtisadi Əməkdaşlıq Nazirliyi tərəfindən  tərəfindən maliyyələşdirilsə də ona təşkilatı dəstək İnvent Mərkəzi tərəfindən həyata keçirilib. Seminarın plenar iclasında  MŞHT üzrə Beynəlxalq İdarə Heyətinin sədri Piter Aygen iştirak edib. Sonra seminar SEB strategy təşkilatının nümayəndəsi Defton Darby tərəfindən idarə olunmağa başlayıb. Seminarın gündəliyi üzrə müxtəlif panellər əsasında MŞHT-nin miqyası, iştirakçıları, kommunikasiya strategiyası,  hesabatların doldurulması üzrə müxtəlif təcrübələr, dəyərləndirmə, lisensiyaların, kontraktların şəffaflığı və MŞHT-nin donorlar tərəfindən maliyyələşdirilməsi məsələrəri ətrafında çıxışlar dinlənilib, müzakirələr və fikir mübadiləsi aparılıb və hər bir panel üzrə ölkə təqdimatlar hazırlanıb.

Seminar müxtəlif ölkələrin təcrübəsinin təqdim olunması, mübadilələrin aparılması, dəyərləndirmə və hesabatların tutuşdurulması ilə əlaqədar yeni ideyalarla zəngin olub. Seminarın faydalarından biri də onun iştirakçılarının vahid şəbəkədə birləşdirlməsi və eyni məkanda informasiya mübadiləsinə cəlb olunmasıdır. Bu seminar iştirakçılarının davamlı olaraq əlaqələr yaratmasına və onun inkişafına yaxşı töhfə olub.

◄ 1 ... 63 64 65 66 ► ☼ A ₪

Sənədin sonuncu korrektə tarixi: 27/11/2008 - 17:5:39