Dəyirmi masada iştirakşıları  İctimai Birliklər Mədən Sənayesində Şəffaflığın Artırılması Koalisiyası adından Şuranın  Əlaqələndiricisi Qubad İbadoğlu və Açıq Cəmiyyət İnstitutu -Yardım Fondu adından  İcraçı Direktoru Fərda Əsədov salamlayaraq, ötən 4 ildə əldə edilmiş nəticələrdən və hazırda qarşılaşdığımız çətinliklərdən danışdı. Daha sonra isə MŞHT-nin Azərbaycan Respublikasında tətbiqinə dair qarşılıqlı anlaşma haqqında” Memoranduma əlavələr və dəyişikliklər barədə  MSŞA Koalisiyasının təkliflərinə dair  İqtisadi və Siyasi Araşdırmalar Mərkəzinin direktoru  Sabit Bağırov təqdimatla çıxış etdi. O Azərbaycanda MSŞT-nün tətbiqi tarixinə qısa ekskursiya etdi. Mineral Ehtiyatların Hasilatı ilə məşğul olan Sənaye Sahələrinin Şəfaffaflıq Təşəbbüsünün Azərbaycan Respublikasında tətbiqinə dair imzalanmış qarşılıqlı anlaşma haqqında Memorandumunun rolu barədə, Koalisiyanı yaradılması barədə, Koalisiyanın MSŞT-də iştirakı, əsas fəaliyyət istiqamətləri barədə məlumatlar verildi. 4 il ərzində MSŞT-nün Azərbaycanda tətbiqindən, fəaliyyətindən və üzləşdiyi problemlərdən danışıldı. Eyni zamanda Sabit Bağırov  Koalisiyanın təkliflərini səsləndirdi. O qeyd etdi ki, Memorandumun 1-ci bəndində göstərilmişdi ki,  gələcəkdə hesabat formalarına və onların təqdim olunması müddətlərinə Tərəflərin qarşılıqlı razılaşmaları əsasında dəyişikliklərin edillməsi istisna olunmur. Tərəflərdən hər birinin bu cür dəyişikliklər barədə təklif vermək hüququ var və Memorandumun digər tərəfləri bu təklifləri birgə müzakirə edəcəklər. Odur ki, Koalisiya mövcud hesabat formalarının təkmilləşdirilməsinə dair əlavələr və yeni hesabat formaları təklif edir. Sabit Bağırov qeyd etdi ki, Koalisiya həmçinin maraq qrupları arasında növbəti 5 il üçün fəaliyyət planının işlənilməsi və eyni zamanda  tərəflərin təmsilçilərinin iştirakı ilə daimi fəaliyyət göstərən Komitənin və ya Şuranın yaradılmasını təklif edir.

Müzakirələr zamanı bu təkliflərə müxtəlif mövqelərdən münasibətlər bildirildi. Sonda qərar alındı ki, təkliflər münasibət bildirilmək üçün Hökümət Komissiyasına və MŞHT təşəbbüsünə qoşulan şirkətlərə təqdim olunsun.

"Sabit Bağırov. MSŞT: Anlaşma Memorandumuna dair bəzi təkliflər"-in tam mətni