Təşkilatın şöbələri tərəfindən "B8-lik" ölkələrində tərtib olunmuş hesabatda hər yerdə bu qrupa daxil olan ölkələrin şirkətləri tərərfindən rüşvətxorluğun ləğv edilməsındən tutmuş, dünya maliyyə sistemində qanunsuz pulların daha yaxşı izlənməsi  və korrupsiyaya qarşı dünya qanunvericilik sisteminin gücləndirilməsinə qədər bir neçə müxtəlif məsələlər nəzərdən keçirilir. Hesabatda həmçinin "Səkkizlik" 2008-ci ildə Yaponiyada keçiriləcək toplantı zamanı keçmiş öhdəliklərin icrasının ətraflı qiymətləndirilməsinin təmin olunmasına çağırılır.

Hesabatda bir sıra beynəlxalq hüquqi aktlara və öhdəliklərə əməl olunması prosesi üzrə analiz aparılıb:

Rüşvətxorluğa qarşı qanunların həyata keçirilməsı. İyulda çap olunacaq ətraflı hesabatın nəticəsi olan İcra hesabatında deyilir ki, Kanada, Yaponiya və Böyük Britaniya İƏİT-in Rüşvətxorluğa qarşı Konvensiyasının həyata keçirilməsində uğur qazana bilmirlər. Neçə ki bütün tərəflər fəal surətdə qanunlara riayət etmirlər, xarici rüşvətxorluq inkişaf edən ölkələrdə islahatları pozmaqda davam edəcək. 

Korrupsiyanı azaltmaq məqsədilə ixrac kredit agentliyi maliyyələşməsinin gücləndirilməsi.  Hesabatda deyilir ki, Rusiyanın "Eksimbankı" istisna olmaqla,  "B8-liy"in ixrac kredit agentliklərinin hamısı müştərilərin rüşvətxorluğa qarşı qanunlara riayət etməsini təşviq etmək üçün üzərlərinə müəyyən öhdəliklər götürürlər. Lakin onlar bu öhdəlikləri real əmələ çevirmək üçün çox şey etməlidilər. 

BMT-nin Antikorrupsiya Konvensiyasının ratifikasiyası və icrası. 

Təşkilat Kanada, Almaniya, İtaliya və Yaponiyanı BMT Konvensiyasını dərhal ratifikasiya etməyə, eyni zamanda bütün "B8-lik" ölkələrini öhdəliklərin tam yerinə yetirilməsi və  monitorinqi sahəsində irəliyə getməyə çağırır.

Mədən Sənayesində Şəffaflıq Təşəbbüsü vasitəsilə gəlirlərin şəffaflığının artırııması. Hesabatda əhəmiyyətli  enerji resursları olan "B8-lik" ölkələri - Kanada, Rusiya, Böyük Britaniya və ABŞ MSŞT-nü öz ölkələrində yerinə yetirməyə çağırılır.  Eyni zamanda İtaliya, Yaponiya və Rusiyadan MSŞT-yə maliyyə dəstəyi verən "Səkkizlik" ölkələri sırasına qoşulmaları istənilir.  Bundan əlavə, hesabatda bütün "B8-lik" ölkələri şəffaflıq və monitorinqin yerinə yetirilməsində iştirak edən vətəndaş cəmiyyəti təşkilatlarını maliyyə dəstəyi və zəmanətlə təmin etməyə çağırılır. 

Hesabatda həmçinin "Səkkizlər" şəffaflığın artırılması və nəzarətin gücləndirilməsi vasitəsilə maliyyə bazarları və institutlarında qeyri-qanuni məqsədlərlə sui-istifadə hallarının qarşısını  almaq üzrə öhdəliklərin tez yerinə yetirilməsinə çağırılır.