MSŞT Dünyada - xəbərlər

Kanadanın "Talisman Enerjy" neft şirkəti maliyyə şəffaflığı ilə bağlı şirkətin siyasətini açıqlayır. Şirkət fəaliyyət göstərdiyi hər bir ölkədə ödədiyi vergiləri və royaltiləri dərc etdirir.

Nigeriya: - "Mədən Sənayesində Şəffaflıq Təşəbbüsü"nün (EITI) tətbiqinə hökumətin münasibətinin təhlili IMF Article IV report on Nigeria (BVF: Nigeriya üzrə Articl IV hesabatı) hesabatına daxil edilmişdir.

EITI-in vebsaytı – http://www.eitransparency.org/ fəliyyətə başladı. Vebsaytda EITI haqqında ümumi məlumat, ayrı- ayrı ölkələördə onun tətbiqində uğurlar və problemlər, ona qoşulan ölkələr və şirkətlər haqqında məlumatlar yerləşdirilmişdir.

Qırğızıstan Respublikası Hökuməti, Dünya Bankı və DFİD-nin iyunun 30-da Bişkekdə təşkil etdikləri konfransda Qırğızıstan Respublikasının EITI təşəbbüsünün tətbiqinə başladığı rəsmən elan edilmişdir.

2004-cü il iyunun 26-da Nigeriyanın Prezidenti Olusegun Obasanjo və Sao Tome və Principinin Prezidenti Fradique De Menezes Nigeria və Sao Tome və Principi arasında Birgə İnkişaf Zonasında şəffaflıq və idarəetmə haqqında birgə deklarasiya imzalamışlar.

2003-cü ilin may ayında Qanada bütün maraqlı tərəflərin iştirak etdiyi seminar keçirildi. 2003-cü ilin iyun ayında EITI-ın tətbiq ediləcəyi pilot ölkə elan edilir. DFİD və Qana arasında görüş keşirilmiş və EITI-ın tətbiqi üzrə plan tərtib edilmişdir. EITI ilə bağlı fəaliyyətləri əlaqələndirmək üçün katibliyin yaradılması əsas tövsiyələrdən biri o olmuşdur. Bunu Qananın Mədən Sənayesi Nazirliyi öz öhdəsinə götürmüşdür. Texniki Dəstək DFİD-dən olmuşdur.